Mass Arjdal idl agh s « Ifugga n tujjutin »

Mass Arjdal idl agh s « Ifugga n tujjutin »

Tawckint tamaynut n tmdyazin

Yura -t: M.Oussous

  Amdyaz d unfran mass Mohamed Arjdal, lli d yad issufghn gh usggwas n 2009 arra ns amzwaru n tmdyazt s uzwl n “aylal n iman”, yurri d dagh s usays n usufgh n idlisn, lligh d iDi tawckint ns tis snat da mi isti s uzwl tikklt ad ism n “ifugga n tujjutin”.

“ifugga n tujjutin” iga tadla mZZiyn n 19 n tmdyazt, ittyaran s uskkil n tfinagh d uskkil alatin, gis 52 n tasna, iggr nn gisnt umdyaz I mnnawt tghwmrin n wawal d isawl f imukrisn n imazighn d tffugna, isawl f tdrfit d iskraf, isawl f watig n tgwmat d warraw d twargiwin iskarn tiglgaD I wul ns amdyaz, tazwart n warra-ad tskr tt massa Aziza Nafia, tiwi d gis, tini:

 «Tikklt izwarn issufgh d « aylal n iman », ifsi yas iskraf, irZm as iZiTi n ul ns, yajj t ad yayl s ifrawn n taDfiwin d iskkiln, aylal ann ar fllagh izuzzur imuzzar n tguriwin, infs fllagh timqqa n tmdyazin, ghilad hati iga d akkw « ifugga n tujjutin », ad agh dlnt s iklan nnsnt, sslsnt agh akrkD n ijddign nnsnt.

 M. Arjdal iga zg yat tufrint n middn lli yusin azaZu n tirra, ar ittaws s aynna mi yufa, ar ittara i imZyann, yara i wid mqqurnin, yara f willi ttaranin, tugt n aylli d ittffghn s tmazight ar bdda ittizwur mass arjdal is fllas yura, s ul iZiln d iman izdign iran afulki i kuyan, mayann af nn nttafa timdyazin ns ifssusn zDaynt s watign n tgwmat d tddukkla d tzdgi d tayri n wakal d tmazirt d ufgan d tidt, tiwlafin ns ar d ssant gh ifrdisn n tudrt d igran d tummndiwin n kuyass lli yagh issutln, ur mmukrsnt ur fsint, ur bahra nit fawnt macc ur qqnnt ula llasnt, mayann af ittyafa ad tnt ghrn wid mZZiynin ula wid imqqurn, kuyan rad nn gisnt yaf aylli isiggil, tagharast lli s ttyarn iDrisn tga anawn, aggwatn lli s kturn ula nttni ar d ssan gh ku umnidn d isuyas n tudrt …».

 Ayyuz i mass Arjdal f tuggas ns, ad issugt rbbi anaw ns ad tfrujju tskla ngh d tussna ngh!

ha yat tmdyazt gh twckint ns iskr tt ad tg tarragt I inkraf n tmazight:

Tiwargiwin

Imik n twargiwin

gh usga ann n tflwin

Qnnin rglnin

gh Darat n tghdwin n uzzal

Agh nn annigh ankruf

ur issin iD ula azal

ula assaghn n ussan

ur at ssiwidn iskraf

ula kSuDn tillas

rZmn i uswingm

iffayr yayl s ignna

ig tiwargiwin

ssudanin imdla

tllmnin aDu

ar starant timizar

zDint izTwan

s iznZarn n tafukt

gnunt sisn i3bann

magh tettl tlelli

skrnt gh uznZar isni

sslsin tt i yixf n unkruf

gin tt d umghar n tdrfit

ar ggarnt amud n ufra

bDunt ijddign n unaruz

bDunt tawckinin n tlelli

tilelli tilelli

tilelli i inkraf.

Comments

[Zalhoud]

Songes

Dédié à Mohamed Arejdal

Ceci est un brin de songes
De l'autre côté des portes
Portes closes
Portes verrouillés
Derrière les barreaux de fer
Là où j'ai aperçu un détenu
Celui qui ignore et la journée et la nuit
Ainsi que le nom des jours
Celui qui ne craint pas le bagne
Celui qui ne craint pas les ténèbres
Le voilà qui donne libre cours aux idées
Le voilà qui s'envole vers le firmament
Là où il se métamorphose en songes
Songes qui ont pour monture les nues
Songes qui ont dévalé le vent
Songes qui survolent les pays
Songe qui tressent un tissage
Avec les rayons du soleil
Des pagnes ils en font avec
Ceux qui mouleront à merveille la beauté de dame Liberté
Ceux qui feront la couronne d'un rayon solaire
Qu'ils déposeront sur la tête du détenu
Qu'ils éliront le dignitaire
De la Liberté
Ceux qui sèmeront les graines de la Paix
Ceux qui offriront les fleurs de l'Espoir
Ceux qui donneront les gerbes de Liberté
De Liberté
De Liberté
De Liberté aux détenus.

Farid Mohamed Zalhoud

Notes du traducteur: Poème de mon ami poète Amazigh marocain Mohamed Arejdal extrait de son recueil intitulé:"Ifugga n Tujjutin"(Tapis de senteurs);poème"Tiwwurga" que j'ai traduit en "Songes" pour le lectorat francophone espérant avoir été fidèle à l'âme du poème et à l'intention du poète.
Farid mohamed Zalhoud

----------------
"Je n'existe que dans la mesure où j'existe pour autrui" Manet

[Zalhoud]

Azul Aza
Tanmmirt
Ayhayya!!!Ar ka sul ittfalki igr n taskla ngh tamazight ar ittbughlu;ya ifugga n ijddign tulnd!!!
Ayyuz i Mass Mohamed Arjdal

ha yat trzzift i gwma amydyaz mohamed Arjdal;aragh tt ussan ad ggwranin:





Urd yagh amdyaz



i gmwa Mohamed Arjdal
i iman n lhaj mohamed Albnsir


Ayla lala way lalay lalala dalay lalali
Addagh fllak nzzul ul ar ul urin yan ad gan nssar
Tafughalt tumrt tudrt azawan nssar dik imal
A yand igan ul igd iman amzzugh awin asafar
Issusmt urar issfsi anzgum s tamimt nw awal

Ayla lala way lalay lalala dalay lalali
Iwnnan agh inna ughnnan awal ilaln n uzawar
Sdunkln imariyn n udrar tikiwt ifrziz gh uzaghar
Isd yagh amdyaz as inna irwas gh isid anafal
Tazdught ns tawwargit ur lint abrid ur lint iskwfal

Ayla lala way lalay lalala dalay lalali
Urd yagh amdyaz tizzla n uzur ifrk as d ulggud
Ur issnti tigwmma ssnn nit is rad irmi w afud
Ar ittara ar ittirir istara gh ulawn n ugdud
Irghud i yan igan afgan zmrn ad nghin akud

Ayla lala way lalay lalala dalay lalali
Tamayt iw Akuc igh akkw yad yafud hann urtn tgwraz
Urd ifl irkan n umadal d usggul isghus abaraz
Ikmd s ul ns i middn mumma n titt ad iga ufgan
Akal awal aywal anwal imghan izran inagan


Farid Mohamed Zalhoud
[/center]

_________________
"Je n'existe que dans la mesure où j'existe pour autrui" Manet