AYAD ALAHYAN isslkm tamdyazt i” Wis sa ignwan”

AYAD ALAHYAN isslkm tamdyazt i” Wis sa ignwan”

Iffgh d ussan ad gguranin warra amzwaru n mass AYAD ALAHYAN mi isti s ism:

wis sa ignwan. Arra ad iga tawckint n tmdyazin imZZiyn ifssusn I tghri.

tZli tmdyazt n mass AYAD ALAHYAN s kkuZt tghawsiwin:

1- tutlayt ns ifssusn, d tguriwin lli d ittagwm gh isaffn n tudrt n kuyass lli nmyar, ar ilmma rZZmnt tiggura nnsnt I usakwz n walli yaqqran bla kra n tmmara.

2- Tagharst ns lli s isnay iwlafn n tmdyazin, issimim tnt i imghri, ismun gisnt gr iwaliwn iwngimn d wid isawaln f tghawsiwin n tilawt islay ufus.

3- Tamawayt n tmdyazin ns lli iSka s yan udm sis Izlin, ar t inn icckcum I usrir n tinayt mqqar t inn bahra ur issaggug f taysi d tmyurt.

4- Amnru amzwaru d umggaru lli f tsutul tmdyazt n AYAD ALAHYAN, ad t igan d twtmt lli d ittaggwan gh izlan ns s mnnaw udmawn, tls mnnawt tmitar d tfras. Azwl lli isti i twckint ar agh yad issurriy s umiy n hmmu unamir d tayri ns i tanirt mklli nit immal waddal n warra.

 Yiwi d mass Oussous f twckint ad yini: “mass 3yyad isti abrid ns gh tmdyazt, ar agh iskar tayyughin n tayri gh tmdwin n tasa, irZ itabutn, ikks i tgurrma n wawal addal, iml agh udm lli gis nenttl, walli ira kuyan gh trgwsa n iD, ar as ittrwal gh tifawt uzal !

 timdyazin n mass oyyad gant taghrrabut lli agh ittasin gh ill n twargiwin tirumansiyin, zmzrnt agh f uluss d waDDangiwn n taDfi d tSDfi n iZula, wid irddln adrar, rZn aghulid n isyafatn !

 timdyazin ns gant inrfl igwmmrn tiguriwin n ku ass s usnSi n usmmaqql d tukDt n umTTay immimn, ar agh iskar gh wawal lli nmyar taslit, issngf tt i tayri, iskr agh gh tiZZa n tudrt ifalan n idd mas ngnnu tiswin ircan ur immDin tayri d tiZilt !”.

 tawckint n mass alhyan gis 16 n tmdyazt ittyaran s uskkil alatin d win tfinagh ifsrn gh 60 n tasna, tffgh d gh ugadir s twisi n tmsmunt n iZuran n Bellfa3.

Mass alhyan iga aslmad n tutlayt tafransist, ighra gh lmastr izwarn n tmazight, art t ittawi gh ufran d tskla d tussnils, iskr mnnawt tzrawin gh isuyas ad yaws gh mnnaw inmuqqar n tzelgha n imaratn “Tirra”.

Ig usktur n udlis ad mkad:

wis sa ignwan

mrad is

ini iyi

tafdayddut

ajj iyi ad am inigh

ajda3 izug

manza km inn

nkkin d kmmin

ini tgit

gh tghazut n wul nnm

mmutgh ad zuggh f ukrum nnm

zrigh nn gigm

wakwak

righ ad am skrgh

is d is ur tssnt

is d ur ta jju

stigh awn tamdyazt ad ilan s ism “ini iyi” zgh tawckint ad iZiln afad ad tmDim taZilt n tguri d isyafatn dar amara ngh mass Ayad Alhyan:

ini iyi

ini iyi

is d is iyi d iqqan

ad nn mDlgh timktit nnm

gh iglagaln n tillas?

ini iyi

is d is iyi d iqqan

ad sfrurigh tawlaft nnm

tg ighd, yawi tt waDu

ar ignwan n urwass?

ini iyi

is d ad ghmugh tasa

s tguDiwin ar kigh ar tsirksis

tssmghi gh wul tifrZiZin?

ini iyi

is d kmmin tqqurt

aylligh tsghrt ilaln

tssnghdt ighulidn

lligh ur trit ad iyi tllilt?

Comments

[lhachem er-raji]

tfolki bahra ayouz nk

[Mohamed Zalhoud]

Si seulement...



Dédié à AYAD ALAHYANE



Si seulement nuage j'étais
De par les larmes je pourrais irriguer
Les plaines assoiffées
Les branches asséchées
Rien qu'en t'ayant aperçue

Si seulement aigle j'étais
Je pourrais m'envoler
Et dans le firmament planer
Pour libérer les détenus
Rien qu'en t'ayant aperçue

Si seulement vent j'étais
Je pourrais emporter et rapporter
La brise matinale
Le papillon guérisseur des désirs insistants
Rien qu'en t'ayant aperçue

Si seulement éclair j'étais
J'éclaterais au sein du ciel
Et éclairerais le chemin aux errants
Afin qu'ils puissent découvrir ces contrées
Rien qu'en t'ayant aperçue

Si seulement tonnerre j'étais
Je grognerais et gronderait en plein ciel
Afin que les sourds enfin se réveillent
Afin que les muets enfin parlent
Rien qu'en t'ayant aperçue



Farid Mohamed Zalhoud

Note du traducteur: "Mrad is...", poème du poète amazigh Ayad Alahyane extrait de son recueil"Wis sa ignwan" et traduit en langue française par Farid Mohamed Zalhoud

[Tounarouz]

azul ultma massa aziza, tanmirt nm bahra irghan f umagrad ad iziln lli turit f gwmatngh Ayad alhyan, ifulki bahra mayad, ayyuz nm f twwuri nm ifulkin d ubiddad nm mnid n imaratn d tmaratin, hann ur am tDfar luqt yat a ultmatngh, ayyuzn tiklit yaDn akkm ihfd rbbi.
ayyuz i mass Alhyan f tadla yad ns tamaynut,ifulki ism ns "wis sa ignwan"! ayyuuuuuuuuuuuz nk
tanmirt