azul ayt tmazight d timmuzgha
azul ayt tmazight d timmuzgha, lblog ad right ad ig asays n tirra s tmazight, negh tirra f warratn n tmazight d tskla s udm ns amaynu, win tirra, ira ad isawal f mad ittffughen n idêrisen n tskla d warratn ittyaran f tmazight. wan iran tamazight ad sis yara, igher sis, ur-d ad ka fllas isawal, ar isaqqur macc izdegh ilsawn yadên, yagwi ad-d sar gisn iffagh!
Aziza Nafia
Imula n tmktit
Amara (Auteur) :
Azwl n udlis (titre de l’ouvrage) : Imula n tmktit (les ombres de la mémoire).
Anaw asklan (Genre littéraire) : ungal (roman)
Asggwas (Année) : 2002
Adghar n ufugh (Lieu de publication) : Rabat
"Sawl s ighd" n mass A.Elmnnani
Tamdyazt tatrart s ughanib n mass Abdellah Elmnnani
"Sawl s ighd"
Mass Abdllah lmnnani iga yan gh i3rrimn n ugadir ittwayssann s tirra ns gh usays n tmdyazt tamaynut tatrart, issufgh-d gh usggwas n 2003 tawckint ns tamzwarut n tmdyazin s ism n « sawl s ighd ».
Tadla n tmdyazin ttyara s uskkil alatin, gis 82 n tasna d sdîs d mrawt n tmdyazt Zilnin, iskras mass mohamed akunad tzwart ns.
yan ugzzum gh yat tmdyazt n twckint ad
tirgit izwarn:
ukigh-d s yat tiqqrt
lsgh yat twlaft
bikksgh s yat tilawt
ccgh kra n tgûdi
sugh kra n tguni
tirgit tis snat:
smnûdigh tudrt gh udlis
ssakwigh nn iwiz s isk
gagh ajda3 ar ffrdgh
gh ifrawn
n uzal
imndi ar iggan
ar-d zrigh
zluzzugh imal gh walim
a ig tirmt n ifullusn
ilint tglay
txlf tizi
