“Tamda n izgh” n Hanan Gahmou
“Tamda n izgh” n Hanan Gahmou
tis kraDt twckinin gh urti n tmdyazt tawtmant gh Souss.
asayrur n tguri iZiln d ignna n usnflul ar ukan sul ittaddum s unZar n izlan d uskkil amazigh gh Souss, tikklt ad utn usman d iggig n tmdyazt, ssmghin d yat twckint tamaynut n ultma tngh Hanan Gahmou mi tga s ism: “Tamda n izgh” (l’etang de la sécheresse).
tadla ad n tmdyazt ngh taxatart gant tis kraDt gh souss Darat n “iludi” n xadija ikan d “aZawan n urmmaD” n xadija arouhal.
Hanan Gahmou tga yat tamarat ta3rrimt, ittaran s uskkil amazigh timdyazin bahra Zilnin taws s yan mnnawt gh tuggt n inmuqqar n tmsmunin zund tin tamaynut d tin awrir.
« Tamda n izgh » aDris amaynu ifgh d s twisi n tzlgha n imaratn s tmazight « tirra », ittyara s uskkil alatin, illa gis 27n tmdyazt 54 n tasna, l’illustration ns tin mass M.Bouzid d la conception tskrast Mme Aziza Nafia, iffgh-d gh tzazwlt (imprimerie) n Al aqlam gh ugadir.
asktur n udlis iga mkad:
Asgrs
Tingbiwt
Aduku
Isddi-inu
Takuwt
Aggu
Tafllunt
Tamghra
Adrar
tafsut
tafukt
tafugla
taDfi n iswingimn
tamda n izgh
Ar ntqql
Tarwla n iman
Manza gam?
Kmmin
Akkusu
Nkki d nkki!
Ikut!
Nra ad nhDR
Ssfld a yazzan
Righ
Irifi
Tikni
ADan n tudrt
Yat tussift s ism n “nkki d nkki” zgh tawckint “tamda n izgh” n tmarat ngh ta3rrimt Hanan Gahmou:
Nkki d nkki
Uzngh i yxf-inu tabrat
Gigh-tt gh uDar n waylal
Tmun d ignwan
Tffarri ar ttaylal
Nttat d umdlu
Yusi-tn waDu
TZRa-d ixf-inu, ar tt-ittmnid
Tufa-d ul-inu ar issflid
Tagh-t taDsa…
Ar thaha…!
Tghra-yyi urta tt-ghrigh
Tfrk-iyi mad gigh
Tssn-iyi ma s tt-ghwigh
Tabrat-inu!
Ligh udmawn ganin imnnawn
Righ gim anyalkam ifawn
Win tasa, win tghssa…
Win wassa, d win uzkka
Tabrat-inu, iman-inu,
Ad km-yuznn i yixf-inu
Alln-inu
Ad km-ighran i unlli-inu
Ha-nn frkgh i ugayyu-inu
Ssngh is ligh algamu.
Tura tt: Aziza NAFIA.