"Aggu n twargit" ilal-d ig tidt

"Aggu n twargit" ilal-d ig tidt

ifgh-d ussan ad zrinin yan udlis amaynu n ultma tngh massa khadija Arouhal.

Adlis ad n massa arouhal ntta as tiwi tasmghurt n usnflul asklan da tsnmili tbadut n 2M gh twala ns tis kraDt gh usggwas n 2008.

Adlis ad amaynu n massa khadija arouhal tDDi yast id 2M, tsti yas ultma tngh ism n “Aggu n twargit” (la fumée du rêve), tlla gis yat tullist imqqurn imunn gh 46 n tasna gn iskkiln lli s tgwna tiguriwin ns win tifinagh d ulatin, iffgh-d s yan udm iZiln iskr as mass Mouhib Aghnaj tawlaft bahra ifulkin i wudlis.

Massa khadija Arouhal tga yat tawtmt yusin anzgum n tutlayt ns, ils n iZuran ns, tg awd yat tmghnas immaghn afad ad tlkm tguri d uskkil amazigh illi lkmn iskkil yaDn gh wamur ngh.. Maya-d ur a ittili amr s tuggas dusnin d unzgum ighusn, s mkad as iga udlis ad amynu « Aggu n twargit » wis sin dar ultma tngh Arouhal  gh igr n tirra d usnflul s tmazight Darat n twckint ns n tmdyazt « AZawan n urmmaD », nnurz ad sar ur iqqar ughbalu n usnflul ns ad ismrgha gh ignna n tirra d usnflul isfawtn i tasutin d uckanin.

Comments

[lehssan aghnaj]

tanmirt igmatangh mohib

[Zalhoud]

Azul ultma iâzan Aziza
Issusm iyi ad gmigh anghmis ad adlsan izlin s ufugh n gh talalit n udlis lligh tssimghur tabadut n 2M ultmatngh Xadija Arouhal;"aggu n twargit",tawckint n tallasin,zuzdgh adt gmigh ar as ssirimgh tayafut d imal iziln ibughlan;ar ssimrimgh i ultma Xadija tumrt d usnflul d tawda ifsusn gh igr n taskla!!!Tudrt i taskla tamazight Gwmatun(t) Farid Mohamed Zalhoud