Tayafut n tsmghurt n tzlgha "Tirra"

Willi yiwin Tasmghurt n Tzlgha n imaratn s tmazight « TIRRA »

Ass n ssbt 25/12/2010 gh ul n tffugla igguran lli tsnmili tzlgha n imaratn s tmazight ad tssinf addal f ismawn n i3rrimn imsnfluln lli umZnin tasmghurt ns n tskla Tamazight gh tmdyazt ula tullist.

Tasmghurt imqqurn n “Tirra” :

 - Gh  tmdyazt:

tiwi tt ultma tngh massa Rqia Touw s twckint ns n tmdyazin “Tasudmt tabrkant”.

- Gh  tullist:

yiwi t gwma tngh mass Daoud Garhou s twckint ns n tullisin “Tla d warraw ns”.

Tazlgha “Tirra” tssimghur massa Rqia Touw d mass Daoud Garhou tDDi yasn d tiwckinin ad nsn gh sin idlisn s yan udm bahra ifulkin.

Tazlgha n imaratn s tmazight “Tirra” ur ttu awd imsnfluln lli yiwsn gh tsmghurt n tirra, willi lkmnin taskwflt tis snat d tis kraDt gh wanaw n tmdyazt ula tullist, tssimghurtn awd ntni ig gisn:

- gh tmdyazt: Mohamed Elwaqayni d lhoucine El idrissi

- gh tullist: Ouboubker AbderraHmane d hassan bu ibriyn.

Tasudmt tabrkant: Rqia Touw

Tla d warraw ns: Daoud Garhou