imakrn n tafukt

imakrn n tafukt n 3bd l3ziz blilid

Issufgh d umdyaz a3rrim 3bd l3ziz blilid tawckint ns n tmdyazin tamzwarut lli mi isti s ism : «imakrn n tafukt», tawckint ad llant gis 33 n tmdyazt ittyaran s tgharast tatrart amunt 68 n tasna s uskkil alatini.

tazwart n tadla ad iskr tt usalmad gh tsdawit n ugadir mass 3bdllah Muntasir s ils n tfransist.

amdyaz ad yiwi asggwas ad nit tasmghurt n ttilivizyun 2m n tskla gh tmdyazt, mklli yiwi tismghurin yadn isggwasn ad zrinin mqqar sul imzzîy acku ilul gh 1985 gh wawrir gh tsga n ugadir.

isawl umdyaz ad gh twckint ns f kigan n tmukrisin n imazighn, yutn mnnaw isgiwn gh tudrt nnsn, isawl f mas d imzlâd d tmmuzgha d tmmara n unfgu d tmazirt d twwargiwin n umdyaz lli gis issrghan tirgit n tmdyazt d kigan..