Tilmi n wadû: Brahim Akil

Tilmi n wadû n mass Brahim Akil

Tilmi n wadû iga tawckint izwarn n mass Brahim Akil ittwayssann gh wammasn n umussu amazigh s ism n Gaya, issufgh tt id asggwas n 2002, tg sg idlisn imzwura ittyaran s uskkil alatin gh tsga ad n sus, tuma 20 n tmdyazt s tgharast tamaynut, ilint gis 64 n tasna.

Tazwart n udlis ad iskr tt mass M.Oussous.

Mass Akil iga ilmma sg tufrant ann tamzwarut lli yusin anzgum n tirra, izzuggwz gh warra ns aylli gis iqqazn n inzgumn d tgudîwin n tudrt d tmmuzgha d tayri d tffugna.

Yan ugzzum gh twckint

ar ttlligh

s tguri d ugwmmay

ingh iyi irifi

irigh I warraw

ad iyi idêfr

issumm gh immis

akwfay mas iktti

ur

sar ittu

tg as tn gh ugharas

tugl as tazra

iwwujdu zund agwlif

imun d ifis

ikkusu wiyyâd

tg dars tguri

titrit gh ignna