10 mars 2012

imZlaD n Victor HUGO s tmazight s ufus n Racid NAJIB

imZlaD n Victor HUGO s tmazight s ufus n Racid NAJIB issufgh d usinag agldan asggwas ad asughl da iskr mass Racid NAJIB i ungal n imZlaD n Victor HUGO, ungal ad rad yaws gh usbughlu n tskla tamazight, icckcm as d tijddigin n tskla tamaDlant. tawwuri ad n mass Najib rad tml mas tZDar tutlayt ngh ad d tsmatti timitar n tskla taxatart, trar tnt s tmazight afad ad nnurZmn iggura n tussna f udmawn yaDn n tussna aflla n wakal. adlis ad ittyara akkw s tfinagh, yimghur acku gis 220 n tasna, tazwart nns yura tt mass Mohamed Alillouch.
Posté par tirrawal à 02:35 - - Commentaires [0] - Permalien [#]

29 mai 2012

GOGOL s tmazight: arsmiD, asughl n mass Zahur.

ffgh d ussan ad yan udlis amaynu s tmazight, iga asughl (traduction) n tullist ighzzifn ittwayssann gh tskla tamaDlant s ism n le manteau n umara arusi GOGOL. tullist tga asnti n tullist akkw gh ddunit, mnnaw imaratn imallasn nnan is d akkw ffghn gh ursmiD (le manteau) n Gogol. ssi lhcn zahur isskcm d tullist ad s igr n tskla tamazight s twwuri nns n usughl iZiln ifssusn lli agh d isslkamn aDris ad s tamimt nns tamzwarut. tullist ad ar tsawal f tudrt isrksisn n yan unawur ila bdda tawwuri macc iggammi ad fllas issnfl arSmiD nns ibbin... [Lire la suite]
Posté par tirrawal à 00:44 - - Commentaires [0] - Permalien [#]