Zuhra LFIKHI tskr agh timlillay n tmdyazt s tmdyazt!

Zuhra LFIKHI tskr agh timlillay n tmdyazt s tmdyazt!

Tamdyazt tawtmant ar ttbughlu ar tzuzzur tujjutin n izlan ns gh igr n tirra d usnflul, ar nn tZZu amud ns, tut nn s iZuRan n usyafa ad nn izdgh ulawn n imghran, irgagi nn usyafa nsn.

tamdyazt tawtmant tmmim tfssus mklli ifssus usyafa n tawtmt, izlan ns ar agh ttawin s yan umaDal yaDn tizi lli d inggi usnflul ns imun-d d taDfi n tguri igh tZZay ula igh tfssus igh tmmim ula igh tRZag, imun dis uswingm idran yusin tugt n wammak.

   Tg ilmma tmdyazt tawtmant yat tghuyyit f talilt ns d ugrD ns amazigh, tg awd tisit f inzgumn d isyafatn lli tusi gh ungha n wul ns, tgnu sisn iskkiln f iskkiln, gn ilmma izlan f izlan ffalnin taghlaghalt n twwurga n ku tawtmt tamazight iggi n wakal.

   Massa Zuhra ILFIKHI Tga ilmma yat gh tutmin lli mi iZZay watig n tutlayt gh wul ns, tg awd agrD n tawtmt tamazight tizi lligh tusi asafu n tghnsa, trzzf ussan n tudrt ns i tutlayt ns d izrfan n ufgan slawan akkw win tawtmt tamazight.

  Mk ad as is iga udlis ad amaynu n massa Zuhra arraw ns amzwaru gh wanaw n tmdyazt lli-d iffghn gh uRmmaD n tillas n tilawt, yasi gr tifrawin n izlan ns tugt n isyafatn d inzgumn f tutlayt d izrfan n tmghart tamazight, ig ilmma yat tghuyyit tawtmant lli tra ad nn tut taghlaghalt ns amaDal akw.

  Tawckint ad tamaynut n ultmatngh massa Zuhra ELFIKHI issufgh tt id wayyaw n AMREC gh ugadir, tsti yas ism n « Timlillay », iskkiln ns gan win tfinagh d ulatin, gnt gis timdyazin 14 imunn gh 60 n tasna.

Had yan ugzzum zgh tamdyazt  “inighi n ughrrabu” zgh tawckint n ultma tngh massa Zuhra ELFIKHI:

Ismaqqln nk mlallin gh ill

Ur zmzrn tisnt

Ar sisn tkkat tghssa nk

Anuddm nk ihiyyan gh udfl ar izwwur

Yuzzl afad ad issu tayniwin

ImTTawn nk rufanin i tlalit n tmttant

Ar ttrgigiyt s imsli40 n tafukt …

iliH t d ifssi

Ur tghli twlaft nk s iZuran

Lligh tlkmt amlal iswan

Ar ttghalt alln ns gh irgln nnsnt idran

Tkwfist ifssi nk f taDDangiwin n ill

Aghrrabu nk imlalli gh ighrm

Ur ixsi d tmubilin n ighrm

Ur inghi iman ns…

Comments

[anaruz n taddart]

azul amqran
ayyouz non f inghmisn ad liya7d thyyam nzozd atboghlo tirra n tiwtmin gh omadal imazighn, d ar tnini i oltmatnh zahra ayyoouz nm bahra ighodan gh madah thyya d aras ntsotor toudrt ichwan akolo tg timdyazin n lhna d lfrh.
tanmirt non bahra iflojjan.

[osiris]

azul!! ifulki bahra... macha yuf mch tgam tamssumant adakh awden idlssan gher tmizar n berra!!!!!!

nkni imazighen n brra our danttafa idlssan imaynuten n tmazight!!!!!

tanemmirt