Timzizzlt n tskla tamazight n tirra : tawala n 2011 lligh tfka tsmghurt n tirra tayafut iZiln gh usggwas n 2010, tggar s ussufgh n sin idlisn lli yiwin tasmghurt tamzwarut (tasudmt tabrkant n RQIYA TOUW gh tmdyazt d tla d warraw ns n DAWD GARHOU gh tullist), had tazlgha n Tirra tDfr sul abrid ns gh usays ad afad ad tssimghur imaratn, taws asn, tntu tn afad ad ttaran sbughlun igr n tskla nnsn s usnflul gh isuyas n wallas. Mayad a far taqqra i imaratn d tmaratin ad awsn gh tmzizzlt ad tis snat s twwuriwin nnsn gh usays n tullist d ungal d umzgun, ilmma, illa f tilli d willi iran ad drun ad-d aznn tiwuriwin nnsn n usnflul urta imda wayyr n ibril 2011 s: tansa: N° 21, Rue 836, Cité Al Massira, 80006 Agadir. ngh s imayl ad: tirra.asnflul@gmail.com Aslgn n tmsizzlt 1. anaw n usnflul lli rad ikcm i tmzizzlt iqqan ad ig: tadla n tullisin lli d ur iggwizn i 6 iDrisn. yan ungal ismdn. Yat tmzgunt ismdn 2. iqqan ad ur yizwir is d yad tffgh tmun twuri n usnflul gh kra n udlis, mac ur igi amukris igh d gis ffghn kra n iDrisn gh tsghunin ngh ighmisn gn iyt win uriraD ngh iliktrunn. 3. iqqan ad ttyaran iDrisn s yat tutlayt tamazight imDaran. ad ttuwzmmamn gh yat tnghlt n cd ngh ttyaran s kra n tmacint n tirra, ngh ttyaran s ufus tirra lli ifawn, ilint gh iggi n tfrawin tumlilin ur ikrrjn. iqqan ad ur ddznt tirra ar d ur fawnt, illa f walli yuran ad immagh s unck nna s yufa ad isur f ilgamn n tsftit n tmazight, issn s mk nna mi yufa mamk s rad ittbbi tiwinas d ad issfru tiguriwin lli ighal is bahra ur ttuwssant, d ismmZli gr iskkiln lli ittuwghran s tufayt d willi isdidn. 4. ad yazn umsnflul ngh tamsnflult awlaf n tkarDa ns tanamurt, d ad iktar yan lformulaire lli rad nn yaf d uslgn ad. 5. asnflul lli yiwin tasmghurt tamzwarut, rad t id tssufgh tirra gh tzRigin ns, yasi tamatart n tzlgha, tili gis tyafut i tmsnflult ngh amsnflul. tizRigin da ra d iDfarn gant tin tmsnflult. 6. tadrawt n tmsnflult d umsnflul g tmzizzlt ar ittgga tugga is d aylli s idra iga wins, mk lli ittgga tugga is idg tifadiwin n tmzizzlt. 7. ur illi f tzlgha ad trar idrisn lli ur yiwin tasmghurt i isttlal nnsn ngh idbab nnsn, mk lli fllas ur illi yat igh jlan. 8. illa dar tzlgha ad tssntl tasmghurt n usnflul igh ar ttannay is d aylli d ittyaznn gh usnflul ur illa gh uswir lli tra. Formulaire à remplir Isem (Nom) : .……………………………… Ass n tlalit (Date de naissance) : ……………………………….. Tazdught (Adresse) : ……………………………………… Tilifun (Téléphone) : ………………………………………………. Imayl (email) : ……………………………………………………….. Anaw n usenflul (Genre de création littéraire) : Tullist (Nouvelle) Tamedyazt (Poésie) Ungal (Roman) Tessufeght d kra n udlis ? : ……………………………………………………………………………………………… ……………………………………………………………………………………………… Igh dark(m) kra n warraten yaden (urta d iffughen) : ……………………………………………………………………………………………… ……………………………………………………………………………………………… Ghrigh aselgen n temsizzelt, mcuckigh d dis. (J’ai lu le règlement du concours et j’y adhère).