Anir Bouyaàqoubi ickcm sul "igDaD n wihran" s usddi n ungal.

Anir Bouyaàqoubi ickcm sul "igDaD n wihran" s usddi n ungal.

Ungal amaynu ilul-d: igDaD n wihran n mass lhusin Bouyaâqubi

Issufgh d umara mqqurn lhusin Bouyaâqubi ittwayssann s wanir ungal ns izwarn mi iga s ism: igDaD n wihran, ungal ad lli rad dagh ismd yan uDrf ighzzifn ibughlan gh igr n tskla Tamazight, yiwi d f kigan n imukrisn lli gh ttddrn ayt tmazirt ngh slawan akkw i3rrimn zund imukrisn n uzwag d tmagit d tutlayt d unngzu n twwuri d uzlaD, ar ittsutul wallas ns f yan u3rrim iddan s fransa ad nn iDfr tighri ns, issudu lkar lli gh rad immiggir d wanawn n wudmawn d tmitar n ugdud amghribi isisn s iswingimn d taydyulujiyin d ilsawn d ingitn, macc mdin akkw udm s fransa ad zgrn aman n ill!     Isli nn ungal kigan n waggasn lli iqqazn gh tghssa n tmazirt ngh, ar d immal ighwmdan lligh ttghwin imzdaghn, istayn lligh mmZlin, imzarayn d igharasn lli ibDan tighrmiwin n iffus d izzlmD d willi tn ismiggirn.     Ungal ihaDr gis Buya3qubi s udm ns asklan, macc ifl nn gis timitar n inzgumn ns lli t izziwzn gh twngimt ns, igh nssn is iga antrupulug d unmzray (historien), mayad isbughla ungal s iswingimn idran, ifk as yan usatti idusn iZZayn, acku izDar ad ig tisit I ismuttuln n tussna d istayn lligh sul ttlulluy tmazirt d twargiwin ns d izdduyn ns d ugwmmaD ann n ill agrakal s iZri n yan umghribi ismunn gr tantrupulujit d umzruy d tskla gh yan umnid, izdi gr tmmuzgha d tussniwin yaDn n umaDal, gr tinayt d tmyurt, gr iffus d izzlmD, gr sin igwmmaDn n ill!     Tutlayt lli s ittyara ungal tfssus, ur tqqn ur tDr, tga mad yaqqra kuyan, ilkm t uswingm sul issattuy t.    

Ungal ad iffgh d gh 100 n tasna, ittyara s uskkil alatin, s yan udm ifulkin, ig wis sDis ungaln lli d iffghn gh tsga n sus, Darat n imula n tmktit n ufulay d twargit d imik d ijjign n tidi n ukunaD d ijawwan n tayri n Lasri d uzrf akucam n Sabri.

Comments

[tililly arouhal]

azul massa aziza ur agh ghamant tgiriwin mnid n tuggas llin bdda tggat f twisi n imaratn tanmmmmmmmmirt nm d ayyyuz irghud itskla ngh f tuggas n tarwa ns irghud as s tlalit n ungal n gmatngh boyaaqoubi igdad n wihran ayyyyyyyyyyyuz ns ayyyyuz nm alal n ufulki