"Taddagt n wurgh"  tawckint tamaynut n tmdyazt n mass H.Amine


Hmad Amine iga yan umara dar i3zza bahra umarg, ar ittara ghayd izrin s tgharast n rrways, yura sis tugt n umarg, macc ilkm yat tizi lligh ifrk mas d tutlayt ns tsghawsa sis mkan af isti ad ittara yamZ agharas yaDn n tirra, tirra n tutlayt izdgn...

S mkad as d tlal tawckint ns tamaynut mi iga s ism “Taddagt n wwurgh” .

Taddagt n wwurgh” tga arraw amzwaru n mass Hmad Amin gh ubrid n tirra, lli d iZran talalit gh usiru n tazezwl n Al-aqlam gh ugadir, isti ad gn iskkiln n uDris ad ns alatin d win tfinagh, gnt gis tmdyazin14 n tmdyazt, yili gis 92 n tasna.

Tadla yad n mass H.Amin yura yas mass M.Akunad tazwart ns, iskr as mass M.Oussous la transcription d la mise en forme, tskr as Mme Aziza Nafia la conception ns.

 

Asktur n udlis ad amaynu iga mkad:

taddagt n wurgh

awal n wul

igr iqqurn

asmammi

yugrtn

awal n umZyan

gar aZur

lbriH

ijjawn ihiyyf

mani tram

gar amuddu

awal iburn

gar tibDit

tabrat

 

Yan ugzzum gh tzwart lli yura mass M.Akunad f udlis ad:

 

Hmad amin, iga yan g willi isti umarg amazigh g tarwa n tmazight ad gn wins, llan willi t isiggiln yagwi tn, ggammin ad asn iDR g ufus, amarg da istay igr lli g ra d immghi wamud ns izujjg, inZr i tattut.

 Llig d ilul umdyaz ngh, iRZm d tiTTawin g yat tmazirt ibaD gis umarg, nttan ad igan utci ns animan, slawan akkw amarg n RRways, yufa d Albnsir idl iHaHan idl sus akkw s umarg, yufa d Ahruc, d Fatima tiHiHit, d mbark ayyisar  d wiyaD d tiyaD lli ganin tinmal mqqurnin n umarg amazigh, g zund  azmz ann, immra aTTas ad injm yan i ukarur n umarg nnsn, max yufa as?”

 

Had yat tmdyazt zgh tawckint ad ifulkin n mass H.Amine, mi iga s ism “Awal n wul”

Awal n wul

mad iga igh a nsawal

ur yusi

wawal anaruz

ur t tRmi tiTT

iggut ur iggut

isyafatn ZZayn

f wulawn

ar ssiwidn taguri

gh iggi n ils

tqqar..

lligh a d- ittakwi s igwzman

imi n uhtataw

ur d anaruz

iga kigan

ur d awal

 

ur agh ighwZan

ur d azmz

iga murran

issfsi tazrZit

izluzzu tifalatin

nnig mkad uhuy

as inna wul

lligh iggummi

gh imula wins

s biddnt tsRmay

gh umalu n tndra ns

ar ittannay adrar

ur a sul ittattuy

 

ur a sul issmghay

qqurn ighbula

qqarn ijddign

d waddagn

frurin ighulidn

s wuzzal d isghwdidn

d kra yaDnin

is d uzzal uhuy

as inna wul

ila asrgm

afus agh

ur illi wul

irZa tasmrst

iskr gis titar

yajj anlli

gh iballwan n tillas

taswingmt

ur d yat

 

ur d mnnawt

igan tifawt

ad-d trur tilawt

tikrkas uhuy

as inna wul

ur a ssimghurnt amun

 

timlillay uhuy

 

as inna wul

 

ur a ssimlulnt awal

taddagt_n_wwurgh