Anqqis f unmuqqar n "tirra" f tullist s tmazight

Anqqis f unmuqqar n "tirra" f tullist s tmazight

Ass n 08/05/2010, tsnmala tzlgha n imaratn s tmazight « Tirra » yan unmuqqar anamur f tirra n tullist s tmazight.

Yuws gh unmuqqar ad tugt n imaratn ixatarn, zrin innkcumn s mkad:

- izwar mass Abdlwahab Bouchtart ifka kra n tifawin f tguri n tullist d uZur ns gh tutlayt Tamazight, mklli d yiwi f umutti n tullist zg tfrka tamiwant ar tin tirra, ibdr idlisn n tullisin lli d iffghn gh tsga n sus ula rrif.

- Mass M.Akunad ntta isawl f idlisn n Zahur: amussu n umalu d isggwasn n tgrst, yawi d f tgharast n tirra dar mass zahur d tmitar lli iZlin adlis ns izwarn d wis sin.

 iDfr mayad tighri n mass L.Zahur I yat tullist mi iga s ism: angi.

- Mass Ayyad Alhyan isawl f udlis n mass B.l3sri: a3zri n tuZZumt, yawi d f tgharast d ttiknik lli s iSka umara tallasin ns, iDfr tt id tighri n yat tullist n mass l3sri mi iga s ism: bu talutart.

- Mass Mohamed Oussous iZli ankcum ns I twckint n mass Mohamed Garhou ilan ism n “irZag yimim”, ifk tifawin f umara d wanaw n tirra ns d tfras lli s iZli d wiyyaD lli ittaran tullist, iDfr mayad tighri n mass garhou I yat tullist mi iga s ism “mas n waman”.

Tagara n inkcumn, ittuwfka wawal I imallasn i3rrimn ighr kuyan gisn tiwisi ns, ig gisn mass M. Elferkhssi d 3bdllah sabri d 3aziza nafi3 d faysal lmuttaqi d 3bdellah lmnnani.

Anmuqqar ad ifulkin iga tawhalt lligh ufan imaratn ad maggarn ssnfln iswingimn f imukrisn n tirra d inghmisn gh usays n idlisn imaynutn.