Isggwasn n tgrst adlis amaynu n tullisin n umallasn mqqurn mass Lehcen Zahur
Igr n wallas ar itfrujju ussan ad s twwuri tamaynut n umara ngh axatar mass Zahur Lahcen.
issufgh d mass Zahur Lahcen yan uDris amaynu, anaw n tullist, iga yas s ism “Isggwasn n tgrst” “les années de l’hivers”.
adlis ad amaynu n tallasin yura t umara ngh s uskkil alatin d win tfinagh, ilint gis tamt (8) n tallasin d 94 n tasna.
Mass Zahur iDi d kraD idlisn, amzwaru ns iga gh igr n umiyn iga yas s wassagh “muzya” adlis wis sin iga gh wanaw n tallast iga yas s wassagh “amussu n umalu” ig udlis ad ns amaynu amggaru dar umara ngh mqqurn mass Zahur mi issagh “isggwasn n tgrst”..
isntln lli f a ittara umara ngh mass Zahur zdin d tmukrisin n tudrt n kuyass d tghawsiwin n tsrtit lli f ttsutul tmazirt ngh zund tallast n izi ula lhrig n tariq iwis n zyyad.
asktur n tdla ad n tullisin iga mkad:
- lfargunit d twssart
- tamaght
- lhrig n tariq iwis n zyyad
- a3isawi
- angi
- taba
- izi
- talidcint n littihal