Amnukal mzziyn n mass Lârbi Moumouch


Iffgh-d gh yanayr n usggwas n 2008 yan warra ifulkin n mass lârbi moumouch, iga asughl n tallast tafransist (le petit prince) n umara afransis Antoine de Saint-Exupéry. arra ad iffgh-d sg tzrigin n tmsmunt n afrak gh mast, yawi i bab ns uggar n kkûz isggwasn n twuri d usiggl afad ad iskr kra n tghawsa lli rad yall atig i tussna d ils amazigh.

Ittyara udlis ad s uskkil alatini, iffgh-d s yan udm izîln, immagh gis bab ns ad idêfr abrid lli ikka walli-t yuran gh tirra ns, ad gis iks udm I wanaw n tgharasin da s isnay tiguriwin, igr sisnt tazra n wawal afad ad ig udrîs amazigh n warra anggu n win tfransist ngh-t sul yuf !

Yuma

warra ad 105 n tasna, tili gis yat trzzift i tawtmt tamazight d imik n iklan lli as yakkan tifras izîln, mklli yusi yan umawal lli issfrun tiguriwin nna

ur

yukz imghri ns.

Ad-d nsskti mas-d asughl ad lli iskr mass mumuc iga wis krâd gh tmazight acku izwar yad is-d iffgh yan usughl n udrîs ad gh lqbayl gh ddzayr, iffgh-d yan yadên gh tzrigin n « ircam » iskr-t lahbib fouad iccu s ism n agldun amzzân.

clip_image001